主持嶄新攞苦嚟辛，口窒窒膽粗粗，窺探日本極道，跟住「大佬」搞呢搞路；擂台挑機真拳手、深夜追擊暴走族、快閃黑道防彈屋、壘球約戰山口組、扮教父見黑手黨、劊「指」手家法伺候⋯⋯內容踩界，拍之而後快！收視險中求，台前幕後吃盡苦頭；笑聲背後剖開黑道憂慮哀愁，奉勸世人做個好人。節目籌備一年，打造可能係電視史上最「惡」嘅搞笑綜藝節目。
旅遊達人就見得多，從未去過旅行嘅人上旅遊節目你見過未？「初度遊」揾嚟三位旅遊新鮮人，獻出佢地論盡嘅第一次，包括迷路、被昆、碰釘、搭錯車、帶漏野，無所適從、無奇不有！當睇見佢地嘅烏龍與無助，又會否令你諗起自己嘅第一次？
